Te ‘Akamatakite‘anga Manamanatā Tupu Po‘itirere i runga i te Terepōni ‘Āpaipai (Emergency Mobile Alert)

‘Āpi‘i‘ia koe no runga i te Emergency Mobile Alert. E ‘akaponuiā‘au ana te Emergency Mobile Alerts iākoe. Ka ‘o‘ora‘ia ki te katoatoa e terepōni ‘āpaipai tau ta ratou mei te au poupou tei ‘akakoro‘ia.

Ka ‘akape‘ea e rauka ai te Emergency Mobile Alert

Kia rauka iākoe te Emergency Mobile Alerts, ka anoano koe i teta‘i terepōni tau no te ‘āriki‘anga. Ka anoano katoa ia te terepōni, kia ‘āriki i te cell, e te au rāvenga (software) ‘ōu rava atu. Kare koe e anoano‘ia kia kiriti i teta‘i app, me kore ra, i te tutaki atu i teta‘i turanga.

1. ‘Ākara meitaki, me tei runga ta‘au terepōni, i te ‘akapapa‘anga o te au terepōni tau.(external link)
2. ‘Aka‘ōu‘ia te operating system software, o ta‘au terepōni.

Me ka tika, ‘akara‘ia te puka ‘akamārama‘anga no ta‘au terepōni, me kore ra, komakoma atu ki te aronga ‘aka‘aere i ta‘au terepōni ‘āpaipai, me anoano tauturu koe, no te ‘aka‘ōu‘anga i ta‘au terepōni.

Ka ‘akatika‘ia āinei au, i te ‘iki i te no‘o ki va‘o ake i te Emergency Mobile Alert?

I te mea e, no te ‘akaponuiā‘au‘anga iākoe, te Emergency Mobile Alert, kare e rauka iākoe i te ‘iki i te no‘o ki va‘o ake i te Emergency Mobile Alerts.

Kare matou e ‘akakoro ana i teta‘i au terepōni anake, māri ra, e ‘o‘ora ana matou ki teta‘i ngā‘i tei ‘akakoro‘ia, te ka kino. Ko teia te tumu, kare e rauka ia matou i te ‘akaruke i ta‘au anake terepōni.

Tei runga pa‘a i ta‘au terepōni te au ‘iki‘anga i roto i teta‘i au basileia, māri ra, i roto i Aotearoa, e tā‘anga‘anga ana matou i te broadcast channel, te tu‘era ua ra, i te au taime ravarāi.